Psa 98 | SwhNEN | STEP | Zaburi. Mwimbieni Bwana wimbo mpya, kwa maana ametenda mambo ya ajabu; kitanga chake cha kuume na mkono wake mtakatifu umemfanyia wokovu.

Psalms 98

Mungu Mtawala Wa Dunia

Zaburi.

1 ^aMwimbieni Bwana wimbo mpya,
kwa maana ametenda mambo ya ajabu;
kitanga chake cha kuume na mkono wake mtakatifu
umemfanyia wokovu.
2 ^b Bwana ameufanya wokovu wake ujulikane
na amedhihirisha haki yake kwa mataifa.
3 ^cAmeukumbuka upendo wake
na uaminifu wake kwa nyumba ya Israeli;
miisho yote ya dunia imeuona
wokovu wa Mungu wetu.

4 ^dMpigieni Bwana kelele za shangwe, dunia yote,
ipaze sauti kwa nyimbo za shangwe na vinanda;
5 ^emwimbieni Bwana kwa kinubi,
kwa kinubi na sauti za kuimba,
6 ^fkwa tarumbeta na mvumo wa baragumu za pembe za kondoo dume:
shangilieni kwa furaha mbele za Bwana, aliye Mfalme.

7 ^gBahari na ivume na kila kiliomo ndani yake,
dunia na wote wakaao ndani yake.
8 ^hMito na ipige makofi,
milima na iimbe pamoja kwa furaha,
9 ⁱvyote na viimbe mbele za Bwana,
kwa maana yuaja kuhukumu dunia.
Atahukumu dunia kwa haki
na mataifa kwa haki.